Իրանի Ռաժայի նաւահանգիստի մեծ պայթումի եւ հրդեհի պատճառով հազարաւոր վիրաւորներ
Շաբաթ օր Իրանի Ռաժայի նաւահանգիստին մէջ տեղի ունեցաւ մեծ պայթում մը, որուն պատճառով նաւահանգիստի վարչական շէնք մը ամբողջութեամբ քանդուեցաւ եւ շրջանին մէջ շարք մը մեքենաներ քանդուեցան:
Իրանեան կառավարութեան բանբեր Ֆաթմէ Մահաժրանի շաբաթ օր յայտնեց, թէ ըստ նախնական տուեալներու, նաւահանգիստին մէջ անկիւն մը գտնուող պահեստանոց մը, որ կը կարծուի քիմիական նիւթեր պարունակած ըլլալ, պայթած է:
Իրանի կառավարութեան բանբերը երէկ յայտնեց, որ նաւահանգիստի հրդեհին պատճառով վիրաւորներուն թիւը հասած է 1139-ի, եւ հրշէջները յաջողած են հրդեհին մեծամասնութիւնը վերահսկողութեան տակ առնել:
Իրանի ազգային անվտանգութեան յանձնախումբի բանբերը յայտնեց. «Նախնական տուեալներու համաձայն, Ռաժայի նաւահանգիստի դէպքը մեր պաշտպանական ոլորտի գործունէութեան հետ կապ չունի»:
Պայթումէն անմիջապէս ետք Իսրայէլ յայտարարեց, որ դէպքին հետ որեւէ կապ չունի:
Աղբիւրը՝ Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
