Францішак: Божая любоў як жывы агонь на шляху жыцця
Аляксандр Амяльчэня - Vatican News
Святы Айцец нагадаў вернікам, што асабліва ў адносінах да самых слабых і патрабуючых мы пакліканы сведчыць пра Божую любоў. Ён параўнаў гэтую любоў з "жывым полымем", якое дае сілу на жыццёвым шляху. Папа выказаў спадзяванне, што наведванне магіл Апосталаў і праход праз Святую Браму ўмацуюць веру пілігрымаў.
Асаблівую ўвагу Францішак надаў заахвочванню пілігрымаў быць сведкамі надзеі ў розным асяроддзі паўсядзённага жыцця. Ён заклікаў іх "спрыяць пабудове свету, які будзе больш братэрскім і салідарным".
Юбілейны год, у рамках якога адбылося гэтае паломніцтва, з'яўляецца асаблівым часам для духоўнага абнаўлення і ўмацавання веры. Праз такія падзеі Касцёл імкнецца дапамагчы вернікам глыбей спазнаць Божую любоў і знайсці ў ёй крыніцу сапраўднай радасці і сілы для штодзённага жыцця і служэння іншым.
