ಇಸ್ರಯೇಲ್ ನ ಅಧ್ಯಕ್ಷರು ವಿಶ್ವಗುರು ಫ್ರಾನ್ಸಿಸ್ ರವರ ಆಳವಾದ ವಿಶ್ವಾಸ ಮತ್ತು ಕರುಣೆಯನ್ನು ಸ್ಮರಿಸುತ್ತಾರೆ
ರಾಬರ್ಟೊ ಸೆಟೆರಾ
ವಿಶ್ವಗುರು ಫ್ರಾನ್ಸಿಸ್ ರವರು “ಆಳವಾದ ವಿಶ್ವಾಸ ಮತ್ತು ಅಪರಿಮಿತ ಸಹಾನುಭೂತಿಯ ವ್ಯಕ್ತಿಯಾಗಿದ್ದರು, ಅವರು ಬಡವರನ್ನು, ದೀನದಲಿತರನ್ನು ಮೇಲೆತ್ತಲು ಮತ್ತು ತೊಂದರೆಗೊಳಗಾದ ಜಗತ್ತಿನಲ್ಲಿ ಶಾಂತಿಯನ್ನು ಕೋರಲು ತಮ್ಮ ಜೀವನವನ್ನು ಮುಡಿಪಾಗಿಟ್ಟರು. "ಯೆಹೂದ್ಯ ಪ್ರಪಂಚದೊಂದಿಗೆ ಸಂಬಂಧಗಳನ್ನು ಬಲಪಡಿಸಲು ಮತ್ತು ಹೆಚ್ಚಿನ ತಿಳುವಳಿಕೆ ಹಾಗೂ ಪರಸ್ಪರ ಗೌರವದ ಮಾರ್ಗವಾಗಿ ಅಂತರಧರ್ಮೀಯ ಸಂವಾದವನ್ನು ಉತ್ತೇಜಿಸಲು ಅವರು ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡಿದರು": ಇಸ್ರಯೇಲ್ ರಾಜ್ಯದ ಅಧ್ಯಕ್ಷ ಐಸಾಕ್ ಹೆರ್ಜಾಗ್ ರವರು ಇಡೀ ಕ್ರೈಸ್ತ ಜಗತ್ತಿಗೆ, ವಿಶೇಷವಾಗಿ ಪವಿತ್ರ ನಾಡಿನಲ್ಲಿರುವ ಕ್ರೈಸ್ತರಿಗೆ ಬರೆದ ಸಂದೇಶದಲ್ಲಿ ದಿವಂಗತ ವಿಶ್ವಗುರುವನ್ನು ನೆನಪಿಸಿಕೊಳ್ಳಲು ಆಯ್ಕೆ ಮಾಡಿಕೊಂಡ ಮಾತುಗಳು ಇವು.
ಮಧ್ಯಪ್ರಾಚ್ಯದಾದ್ಯಂತ ಶಾಂತಿಗಾಗಿ, ವಿಶೇಷವಾಗಿ ಗಾಜಾದಲ್ಲಿ ಇನ್ನೂ ಬಂಧಿಸಲ್ಪಟ್ಟಿರುವ ಎಲ್ಲಾ ಒತ್ತೆಯಾಳುಗಳ ಮರಳುವಿಕೆಗಾಗಿ, ಅವರ ಪ್ರಾರ್ಥನೆಗಳಿಗೆ ಶೀಘ್ರದಲ್ಲೇ ಸಕಾರಾತ್ಮಕ ಉತ್ತರ ಸಿಗುತ್ತದೆ ಎಂದು ನಾನು ಪ್ರಾಮಾಣಿಕವಾಗಿ ಭಾವಿಸುತ್ತೇನೆ ಎಂದು ಇಸ್ರಯೇಲ್‌ನ ಅತ್ಯುನ್ನತ ಸಾಂಸ್ಥಿಕ ಅಧಿಕಾರಿ ತಮ್ಮ ಮಾತುಗಳನ್ನು ಮುಂದುವರಿಸಿದರು.
ನಂತರ ಅಧ್ಯಕ್ಷ ಹೆರ್ಜಾಗ್ ರವರು "ಒಬ್ಬ ಮಹಾನ್ ಆಧ್ಯಾತ್ಮಿಕ ಪಿತಾಮಹ, ಪರಮಪೂಜ್ಯ ವಿಶ್ವಗುರು ಫ್ರಾನ್ಸಿಸ್ ರವರ ನಷ್ಟಕ್ಕೆ" ತಮ್ಮ ಪ್ರಾಮಾಣಿಕ ಸಂತಾಪವನ್ನು ವ್ಯಕ್ತಪಡಿಸಿದರು.
ಜೆರುಸಲೇಮ್‌ನ ಪ್ರೇಷಿತ ಪ್ರತಿನಿಧಿ ಮತ್ತು ಇಸ್ರಯೇಲ್ ರಾಜ್ಯದ ದೂತರಾದ ಮಹಾಧರ್ಮಾಧ್ಯಕ್ಷರಾದ ಅಡಾಲ್ಫೊ ಟಿಟೊ ಯಲ್ಲಾನಾರವರು 'ಎಲ್'ಒಸ್ಸೆರ್ವಟೋರ್ ರೊಮಾನೋ'ಗೆ ಹೀಗೆ ಹೇಳಿದರು: "ಅಧಿಕೃತ ಸಂದೇಶಕ್ಕಿಂತ ಹೆಚ್ಚಾಗಿ, ಅಧ್ಯಕ್ಷ ಹೆರ್ಜಾಗ್ ರವರು ಪ್ರತಿನಿಧಿಸುವ ದೇಶದ ಪರವಾಗಿ ನನಗೆ ಮಾಡಿದ ವೈಯಕ್ತಿಕ ಫೋನ್ ಕರೆಯಿಂದ ನಾನು ವಿಶೇಷವಾಗಿ ಸ್ಪರ್ಶಿಸಲ್ಪಟ್ಟೆ, ಸಾವಿನ ಘೋಷಣೆಯ ಕೆಲವೇ ನಿಮಿಷಗಳ ನಂತರ ಮತ್ತು ಜೆರುಸಲೇಮ್‌ಗೆ ಮಾನ್ಯತೆ ಪಡೆದ ರಾಜತಾಂತ್ರಿಕ ದಳದಿಂದ ನಾವು ಸ್ವೀಕರಿಸಿದ ಅನೇಕ ಸಂತಾಪ ಸಂದೇಶಗಳನ್ನು ಸ್ವೀಕರಿಸಿದೆವು."
ಇಸ್ರಯೇಲ್ ನ ಅಧ್ಯಕ್ಷರು ಹಲವಾರು ಸಂದರ್ಭಗಳಲ್ಲಿ ಸಾರ್ವಜನಿಕವಾಗಿ ವ್ಯಕ್ತಪಡಿಸಿರುವ ವಿಶೇಷ ಸಂವೇದನೆಯೆಂದರೆ ಅದು ಕ್ರೈಸ್ತ ಪ್ರಪಂಚದ ಬಗ್ಗೆ, ಕೆಲವು ಸಮಯದ ಹಿಂದೆ ನಮ್ಮ ಪತ್ರಿಕೆಗೆ ನೀಡಿದ ಸುದೀರ್ಘ ಸಂದರ್ಶನದಲ್ಲಿಯೂ ಸಹ ಕ್ರೈಸ್ತ ಪ್ರಪಂಚದ ಬಗ್ಗೆ ಕುರಿತು ಮಾತನಾಡಿದ್ದಾರೆ.
