Karesimo : na mbuta na ye, Yezu akobianga biso tokoma ba nzeneneke na ye

Jean-René Bompolonga-Kinshasa

Bomanyoli minei bibongisamaki po na mikolo ya mitano ya karesimo bizalaki po na “kosunga biso ya kotelema ngbi-ngbi na bokangemi na biso na Kristu”, elobaki sango Roberto Pasolini, oyo alingaki kosukisa molongo ya mateya, batisimo ya Yezu, bomoi na ye na bato mpe ya nsuka nsekwa na ye, na likanisi oyo etali mbuta na ye.

Mokolo ya mitano 11 ya sanza ya minei, moteyi ya ndako ya Papa abandaki na bolobi lisolo kati na Kristu asekwi na Marie- Madeleine, pembeni ya lilita ya Kristu. Marie-Madeleine akobanga ndenge nzoto ya Kristu ezali te, po atiya yango nkisi, alinga ebembe na ye, lokola alingaka yango liboso ya Malozi ya Yezu. Kasi p0 na sango Pasolini, “mposa ya kotia nkisi na moto azali te ekoki kokoma bokono eye ekoki kobelisa makasi motema na biso, na bopekisi bofungwami wana, ya mpasi kasi ya ntina, eye tobengami sima ya bokabuani nionso”.

Koluka Kristu kati na bato

“Ya solo, Marie- Madeleine ayebaki Kristu mbala moko te, po amikangemi na pili na ye. Kasi nsima ya “bozongi sima” mbala ebele, Marie- Madeleine, elobamaki na liteya moko ya kala te ya Papa François, ayei koyeba Kristu, “oyo abengi ye na kombo na ye mpe atali elongi na ye”

Alingi bongo kokanga Kristu, oyo apekisi ye asala yango; “Kokanga ngai te”, alobeli ye (Yn 20, 17-18). “Ezali komekama ya suka pe ya monene eye tokoki koyoka liboso ya Pasika ya Kristu: oyo ya kopekisa bokasi ya Molimo na ye ebongola biso na bikelamu ya sika”, elobaki sango Pasolini.

Na esika ya kotikala na Kristu asekwi, Marie akimi epayi ya “bandeko na ye ya mibali pe ya basi”, lokola tokoki kosala yango po na “koboya kobongola Pasika na eloko moko ya kokumisa ya eyamba”, ekobaki moteyi. Na bondimi kokoma moto moko, Yezu akobenga biso ya “koluka ye esika nionso lokola eloko moko ya solo ezali na bomoi, mingimingi na mobombano ya bomoto na biso”.

Kosangisa Likolo na nse

Liboso ya bilama ya Curie ya Roma basanganaki na ndako ya makita Polo ya Motoba na Vatican, na ya dicastère po na Mosala ya développement humain intégral azalaki kosala lelo pèlerinage na ye ya Jubilé, moteyi akobaki koteya mobombano ya mbuta ya Kristu. Kotala na likolo ezali elembo ya likambo moko ya molimo, ya ntombua ya molimo na elili ya momeseno, elimbolaki sango. Atako bongo, lokola bayekoli bazalaki kotala epayi ya Likolo pe batunaki bango n’anzelu moko (“Po na nini botelemi wana kotala epayi ya Likolo?”, Bikela ya bapostolu 1,9-11), sango Pasolini alendisi po “ya koluka Nzambe na Likolo te, kasi ya koyeba nkembo ya bolingo na ye na makambo mike ya mokolo na mokolo”.

Yango wana, “Mbuta ekosala tobongola libela lolenge makambo bizali: mabele na likolo bakaboli misala na bango, Molimo evandi bisika ya solo bikomonana, kasi nsuni ya moto ekoti libela na bisika bikomonana te, ‘po Nzambe azala mobimba na banso’”. Po sima ya Mbuta, Yezu alaki akozonga, bozongi moko ekosalema na “litatoli ya bomoi ya bana ya Nzambe”, elobaki moteyi.

“Bosakola nsango elamu na ekelamu inso”

Mosala Yezu atiki na bayekoli ezali ya komema Nsango Elamu na bikelamu binso, kaka na bato te, lokola santu François azalaki koteya ba ndeke to santu Antoine ba mbisi. Ezali lolenge moko ya kotala makambo na “kopemisa”, po na sango Pasolini, pe eye ekosunga liboso ya “koyeba pe kopesa lokumu na bomoi ya mosusu, liboso ya kolikia pe ya boluki mbongwana”. “Soki tokotala basusu lokola bato, na bobosani lolenge na bango ya ebandeli ya ekelamu, tokoki na pete kokende na kosambisama pe na boluki elikia po na bango”, ebakisaki ye.

Ezali wana “likambo moko ya sika” po na Eklezia, eye ya “botali lisapo ya moto moko moko na bomikitisi pe na botosi”.

Na nsuka, moteyi ya ndako ya Papa azongelaki nsakola ya ba “nsuka ya mabele”. Liloba wana ebongi te kozua yango lolenge wana, esengeli lokola bolendisi ya “kokende na kimia pe na botosi na kati ya ezaleli inso, na koyamba ye ndenge azali”.  

Po na kosukisa, tango boluki luki na oyo etali nzebi bizali se kokoba po tè bomoi ya bato na mokili ekoma molayi, “Mokonzi Yezu akolakisa biso boni boni ezali malamu koyeba kozua bopemisi pe kokende mosika, nzambi ya kotikala na lisanga moko na mozindo pe na solo”.