Бискупот Стојанов го предводеше Крсниот пат на Водно
Во сабота 12 април 2025 година, во пресрет на празникот Цветници, се одржа традиционалниот Крстен пат на Водно во организација на катедралната парохија Пресвето Срце Исусово – Скопје. Побожноста ја предводеше Скопскиот бискуп и Струмичко – скопски епарх, монсињор Киро Стојанов во заедништво со катедралниот капелан Томислав Рукавина, сестри Евхаристинки, членовите на Марииното дело – фоколаринки и верници.
На 6 километарската патека од Средно Водно до Јубилејниот крст младите наизменично го носеа дрвениот крст, а дел од верниците наизменично ги држеа иконите од постојките додека се молеше Крстниот пат, а измеѓу се молеше Света Бројаница и се пееја пригодни песни.
На врвот на Водно под Јубилејниот крст, бискупот Стојанов ја измоли завршната молитва, го подели својот архиерејски благослов и изрази благодарност на организаторите и присутните верници за реализирањето на оваа побожност.
Призорот на случајните минувачи беше посебен, искажувајќи посебно внимание и почит кон побожноста на Христовите страдања.
Крстниот пат на Водно традиционално се моли секоја година од 2014 година.
