ሳልሳይ ሓፈሻዊ ጉባኤ ካርዲናላት

ስምዖን ተ. ኣርኣያ - ሃገረ ቫቲካን

እቶም 113 ካርዲናላት ብመሰረት ቅዋም Universi Dominici Gregis - ጓሳ ምሉእ መጓሰ እግዚኣብሄር ቃለ ማሕላ ምስ ፈጸሙ 34 ምትእትታዋት ተገይሩ፣ ካርዲናል ቪክቶር ማኑኤል ፈርናንደዝ ኣብ ክንዲ ካርዲናል ኬቪን ፋረል ኣብቲ ናይ ሓዘን ጸሎት ታስዕቲ ነተን ቀዳሞት ሽዱሽተ መዓልታት ከመርሑ እቲ ጉባኤ ከም ዝሓረዮምን፣ ብተወሳኺ ኣብ ክፍለ ከተማ ሮማ ፎሪ ለ ሙራ ገዳም ቅዱስ ጳውሎስ ኣበ - ምኔት ኣባ ዶናቶ ኦሊያሪ ቀዳማይ ኣስተንትኖ ከቕርቡን ከምኡ እውን ልሂቅ ሰባኬ ቤተ ጳጳስ ካርዲናል ራኒየሮ ካንታላመሳ ኣብ መኽፈቱ እቲ ተኸታሊ ቅዱስ ጴጥሮስ ንምሕራይ ዝብገስ ዕጹው ጉባኤ - Conclave ናይ መኽፈቱ ስብከት ከቕርቡ ከም ዝሰመየኦም ናይ ቅድስቲ መንበር ዜናን ክፍሊ ማሕተምን መግለጺ ዝጠቐሰ ዜና ቫቲካን ኣስዒቡ፣ ካርዲናላት ነቲ ኣብ ሕግታት ጓሳ ምሉእ መጓሰ እግዚኣብሄር - Universi Dominici Gregis  ካብ ፍቕዲ 1 – 23 ዘሎ ሕጡብ ጽሕፍ ምስ ተነበ ብዛዕባ ቤተ ክርስቲያን ከም ዝዘተዩ የመላኽት።