Papa Yağların Təqdis Edilməsi Messasında: Keşişlərin sevinci üçün dua edin
Debora Katellano Lubov tərəfindən
“Biz keşişlər üçün Yubiley ili tövbə yolumuzda yeni başlanğıc üçün xüsusi bir çağırışdır.”
Papa Fransisk bu sözləri Müqəddəs Cümə axşamı səhər Müqəddəs Peter Bazilikasında keçirilən Yağların Təqdis Edilməsi Messası zamanı verdiyi vəzdə vurğulayıb.
Papa bu Messaya başçılıq etmək və Müqəddəs Atanın vəzini oxumaq üçün kardinal Domeniko Kalkanyo-nu öz nümayəndəsi olaraq təyin edib.
Gündəlik yaxınlıq
Vəzdə Papa qeyd edib ki, “biz keşişlərin öz tarixçəsi var.” Müqəddəs Cümə axşamı günü, keşişliyə təyin olunma zamanı verdiyimiz sözləri yenilədiyimiz zamandır, deyə Papa xatırlatdı.
Papa heyranlıqla bildirdi: “Əgər biz Onun bizə öyrətməsinə icazə versək, o zaman xidmətimiz ümid xidməti olar, çünki bizim hər bir tarixçəmizdə Allah bir yubiley açır: lütf üçün bir zaman və bir məkan.”
“Mən hər şeyi yeniləyirəm”
Papa davam edərək bildirib ki, ruhanilər üçün Yubiley ili yenidən başlamaq üçün vacib bir andır.
Ümid zəvvarları olaraq, “biz klerikalizmi geridə qoymağa və ümidi təbliğ edənlər olmağa çağırılmışıq.”
Qəlbləri dəyişmək
Papa heyranlıqla bildirib ki, xalqını sevən çoban “nəyin bahasına olursa olsun razılıq və təsdiq axtarmaz,” və xatırladıb ki, “məhəbbətin sədaqəti qəlbləri dəyişir.”
Buna görə də, Müqəddəs Ata belə bir çağırış etdi: “əziz qardaşlar, bura toplaşmışıq ki bu “Amin”i özümüzə mənimsəyək və təkrarlayaq.’
“Yaxında yenidən yaşayacağımız İsa Məsihin Əzabları, Ölümü və Dirilməsi,” o vurğulayıb, “Kilsənin və onun daxilində bizim keşişlik xidmətimizin möhkəm durduğu torpaqdır.”
Allahın Kəlamı bizim əsas mənbəyimizdir
Papa qeyd edib ki, hər bir keşiş Allahın Kəlamı ilə uzunmüddətli bir münasibətə malikdir.
“Biz onu başqalarının xidmətinə yalnız o zaman verə bilərik ki, Müqəddəs Kitab bizim əsas mənbəyimiz kimi qalır.”
“Onun içində, hər birimizin bizi daha çox təsirləndirən bəzi səhifələri var. Bu gözəl və vacibdir! Biz başqalarına da həyatlarına toxunan səhifələri tapmaqda kömək edirik: məsələn, yeni evlənənlərə toyları üçün oxunuşları seçərkən; ya da kədər içində olanlara, vəfat etmiş sevdiklərini Allahın mərhəmətinə və icmanın dualarına tapşırmaq üçün ayələr axtararkən”
O əlavə edib ki, daha da heyrətamiz olan odur ki, “hər birimizin yolunun başlanğıcında bir çağırış səhifəsi var. Bu səhifəni hər oxuduğumuzda, Allah bizi yenidən çağırır, yetər ki, onu qoruyaq və sevgimizin soyumasına icazə verməyək.”
Rəbb təsəlli verir və bizimlədir
Müqəddəs Ata iştirak edənlərə Rəbbin möminlərə verdiyi təsəlliverici xatırlatmanı yada salıb: “Baxın, Mən hər şeyi yeniləyirəm.”
O, həmçinin xatırladıb ki, Müqəddəs Ruh ruhani xidmətin səssiz qəhrəmanıdır. ‘İnsanlar Onun nəfəsini, bizim sözlərimiz həyatımıza çevriləndə hiss edirlər.’
Allahın işidir - bizim deyil
Papa xatırladıb ki, “bu gün təqdis etdiyimiz müqəddəs yağ, xristian həyatının müxtəlif mərhələlərində baş verən bu çevrilmə sirrini möhürləyir,” və tövsiyə edib: “Heç vaxt ruhdan düşməyin, çünki bu, tamamilə Allahın işidir.”
Bunu nəzərə alaraq, Papa ruhanilərə bir ev tapşırığı verib: “İnanın! İnanın ki, Allah mənimlə səhv etməyib! Allah heç vaxt səhv etmir.”
“Gəlin həmişə keşişlik təyini zamanı deyilən sözləri xatırlayaq: ‘Qoy səndə yaxşı işə başlamaq istəyən Allah onu tamamlasın’ və əlavə edib, “O, bunu tamamlayır.”
Bu, Müqəddəs Ata dedi, “Allahın işidir, bizim yox.” Rəbb, Papa Fransiskin xatırlatdığı kimi, gözlərimizi açır və çiyinlərimizdən yükləri götürür.
Papa Fransisk bütün möminləri ümid xalqı olaraq bu gün keşişlərin sevinci üçün dua etməyə dəvət edərək yekunlaşdırıb.
