Vatikan Əzablar Həftəsi və İlahi Mərhəmət Rəbb Günü üçün liturgiyaları elan etdiyini bildirib
“Vatican News” tərəfindən
38 gün xəstəxanada qaldıqdan və həkim tərəfindən təyin olunan iki aylıq istirahətə başladıqdan sonra Papa Fransiskin Əzablar Həftəsi və Pasxa Oktavası tədbirlərində iştirakı hələ ki təsdiqlənməyib.
Müqəddəs Taxt-Tacın Mətbuat Xidmətinin bəyanatında belə deyilir: "Papanın səhhətinin yaxşılaşması gələcək həftələrdə qiymətləndirilməli, onun Əzablar Həftəsi ayinlərində iştirakının mümkünlüyü və hansı şərtlərlə olacağı müəyyən edilməlidir."
Əzablar Həftəsi və Pasxa Oktavası üçün ayinlər təqvimi bunları nəzərə alaraq elan edilib.
Bu iki həftənin əsas hadisələrindən biri, italiyalı gənc, mübarək Karlo Akutisin kanonizasiyası (müqəddəs elan edilməsi) Messası olacaq. Mərasim 27 aprel, İlahi Mərhəmət Rəbb günündə keçiriləcək və Gənclər Yubileyi tədbirlərini bağlayacaq.
13 aprel, Rəbbin Yerusəlimə Girişi (Palma) Bayramı Messası saat 10:00-da Müqəddəs Peter Meydanında keçiriləcək. Həftənin sonu, Cümə günü, Roma Kolizeyi bir daha Via Crucis (Çarmıx Yolu) ayinini qəbul edəcək və bu ayin saat 21:15-də başlayacaq. Rəbbin Dirilişi isə Pasxa ərəfəsinin təntənəli Müqəddəs Messası ilə başlayacaq və bu ibadət 19 aprel, şənbə günü saat 19:30-da Müqəddəs Peter Bazilikasında keçiriləcək.
Qeyd edək ki, bütün vaxtlar Roma vaxtına uyğun göstərilib.
Rəbbin Yerusəlimə Girişi (Palma) Bayramı
13 aprel
Müqəddəs Peter Meydanı, saat 10:00
Müqəddəs Cümə axşamı
17 aprel
Yağların Təqdis Edilməsi Messası
Müqəddəs Peter Bazilikası, saat 9:30
Əzablar Cüməsi
18 aprel
Rəbbin Əzabları Liturgiyası
Müqəddəs Pyotr Bazilikası, saat 17:00
Via Crucis (Çarmıx Yolu)
Kolizey, saat 21:15
Müqəddəs Şənbə - Pasxa Ərəfəsi
19 aprel
Müqəddəs Peter Bazilikası, saat 19:30
Pasxa - Rəbbin Dirilişi Bayramı
20 aprel
Messa və "Urbi et Orbi" xeyir-duası
Müqəddəs Peter Meydanı, saat 10:30
Pasxanın İkinci Rəbb günü və ya İlahi Mərhəmət Rəbb günü
27 aprel
Müqəddəs Messa və mübarək Karlo Akutisin kanonizasiyası
Gənclər Yubileyi
Müqəddəs Peter Meydanı, saat 10:30
